‘स्थिरतापछि अर्थतन्त्रलाई उत्पादनमुखी बनाउन सहज’

होमल्याण्ड खबर

२०७४ पुष २७ गते, बिहीबार ०९:३६ मा प्रकाशित

पूर्व अर्थमन्त्री शंकरप्रसाद कोइरालालाले देशको आयातमुखी अर्थतन्त्रलाई उत्पादनमुखी बनाउन उपयुक्त समय आएको बताएका छन् । देश राजनीतिक स्थिरतातर्फ अग्रसर रहेका बेला अर्थतन्त्रलाई उत्पादनमुखी बनाउन सहज हुने उनको भनाई थियो ।

बिहीवार काठमाडौंमा आर्थिक पत्रकार समाज (सेजन)ले आयोजना गरेको ‘आर्थिक समृद्धिका लागि साना तथा मझौला उद्योगको भूमिका’, विषयक अन्तरक्रिया कार्यक्रममा बोल्दै पूर्वमन्त्री कोइरालाले राजनीतिक दलहरुको घोषणापत्रमा विकास प्रतिको एजेण्डा साझा बन्दै गएकाले देशमा आर्थिक गतिविधिले प्राथमिकता पाउने अपेक्षा गर्न सकिने बताए ।

कार्यक्रममा साना तथा मझौला व्यवसायी महासङ्घका अध्यक्ष बाबुकाजी महर्जनले देशको नीतिमा साना व्यवसायीलाई उपेक्षा गरिएको गुनासो गरेका छन् । साना तथा मझौला उद्यम क्षेत्रमा वित्तीय संकट मुख्य समस्याका रुपमा देखिएपनि सरकारले यसको समस्या समाधानका लागि कुनै नीति ल्याउन नसकेको उनको दुःखेसो थियो । अष्ट्रेलियन नेशनल यूनिभर्सीटीका डा.रमेश पौडेलले देशभित्र साना तथा मझौला उद्योगका लागि चाहिने पर्याप्त पूँजी र मानवीय स्रोत भएपनि आर्थिक नीतिको अभावमा उद्योगहरुले समस्या झेल्नु परेको बताए ।

देशमा भएका कुल उद्योगहरुमध्ये ८६ प्रतिशत साना तथा मझौला उद्योगहरुको हिस्सा रहेको र यसले ७६ प्रतिशत रोजगारी सृजना गरिरहेको महासङ्घको दावी छ ।

सम्बन्धित खबर

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा

तोलामा १ हजार बढ्यो सुन, कतिमा हुदैँछ कारोबार ?

काठमाडौं महानगरले उठायो ३ अर्ब १६ करोड बढी राजस्व

विदेशी मुद्रा सञ्चिति २२ खर्ब ३२ अर्ब पुग्यो

एमालेको जग्गा विवादसम्बन्धी मुद्दा आज पनि हेर्न नभ्याउनेमा