१३ मंसिर २०८१, बिहीबार
२०७५ चैत्र १३ गते, बुधबार १६:११ मा प्रकाशित
फोर्डले २०१९ संस्करणको फोर्ड फिगो बजारमा उपलब्ध गराएको छ । फिगोको मौलिक स्टाइल, शक्तिशाली इन्जिन, मितव्ययी र आरामदायी यात्रालाई अझ परिमार्जित गरी कम्पनीले नयाँ फिगो उपभोक्तामाझ प्रस्तुत गरेको हो ।
नयाँ फिगोको बजार मूल्य २४ लाख ९९ हजार रुपैयाँ रहेको छ ।
नयाँ फिगोमा थप शक्तिशाली इन्जिन, आकर्षक डिजाइन, अगाडी र पछाडीको भागमा परिमार्जनका साथ उत्कृष्ट र आरामदायी भित्री बनोट तथा ब्रान्ड न्यु इन्टेरियेर रहेको छ । नयाँ फिगो रमाइलो र आरामदायी सवारीको मौलिकतालाई अझ बढी उजागर गर्दै नयाँ १.२ लि पेट्रोल र १.५ लि डिजेल इन्जिनका साथ उपलब्ध हुनेछ । आफ्नो श्रेणीमा नै उत्कृष्ट शक्तिशाली इन्जिन, सुरक्षित प्रविधि, उत्कृष्ट ग्राउन्ड क्लियरेन्स र कनेक्टीभिटी र मनोरञ्जनका लागि ७ इन्च टचस्क्रीन पनि फिगोमा उपलब्ध छ ।
नयाँ फोर्डमा १२ सयभन्दा बढी सुक्ष्म तथा ठूला परिवर्तन गरिएको कम्पनीको दाबी छ । नयाँ फोर्ड फिगो दुई इन्जिन प्रकार र चार मोडल तथा सात रंगहरुमा उपलब्ध हुनेछ ।
नयाँ फोर्ड फिगोमा फन टु ड्राइभ सिद्धान्तका हलुका र इन्धन उपयोगी ३ सिलिन्डरयुक्त १.२ लिटर पेट्रोल इन्जिन जडान गरिएको छ । यो नयाँ प्रविधियुक्त इन्जिनले ९६ पीएस पावर, १२० एनएम टर्क प्रदान गर्दछ । यसको डिजल भेरियन्टमा १.५ लिटर इन्जिन जडान गरिएको छ जसले १०० पीएस पावर र २१५ एनएम टर्क उत्पन्न गर्दछ जसको इन्धन खपत २५.५ किमी प्रतिलिटर हेको छ । यी दुवै इन्जिनयुत्त फोर्ड फिगो ५ – स्पीड ट्रान्समिसनमा उपलब्ध हुनेछ र यो पहिलेको भन्दा १५ प्रतिशत हलुका हुनुका कारण बढी इन्धन बचत हुनेछ । साथै पहिलेको संस्करणभन्दा नयाँ फिगोमा करिब ४० प्रतिशत कम गेयर आयलको उपभोग हुनेछ ।
नयाँ फिगोमा धेरै नवीन
प्रविधिहरु थपिएका छन् जसले
सवारीलाई आरादायी बनाउनुका साथै
बढी सुरक्षित पनि
राख्न मद्दत गर्छ
। फिगोको सबै
मोडेलमा दुईवटा एयर ब्याग
राखिएको छ ।
यसका साथ सुरुक्षालाई
अझ सशक्त बनाउन
एबीएस र ईएसपीले
गाडीलाई मोडहरुमा हाक्न पनि
सजिलो बनाएको छ
। चालक तथा
यात्रुको मनोरञ्जनका लागि यसमा
७ इन्चको टचस्क्रीन
सिस्टम राखिएको छ ।
यसको ग्राउन्ड क्लियरेन्स
१७४ मिलिमिटर रहेको
छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
