एनएमबि बैंकको नयाँ कर्पोरेट अभियान सुरु

होमल्याण्ड खबर

२०७६ श्रावण ७ गते, मंगलवार १२:५७ मा प्रकाशित

एनएमबि बैंकले नयाँ कर्पोरेट अभियान सुरु गरेको छ । बैंकले ‘हामी देख्छौ अपार सम्भावना’को अवधारणासहित आम सर्वसाधारणलाई सफल तुल्याउन सहयोग गर्ने अभियान सुरु गरेको हो । दिगोपन र मूल्यमा आधारित बैंकिङका लागि आफ्ना मूल्य मान्यतालाई प्रस्तुत गर्ने प्राथमिकताका क्षेत्रहरूमा जोड दिँदै बैंकले आफूलाई फरक बैंकको रूपमा प्रस्तुत गर्दै आएको दाबी गरेको छ ।

‘हामी देख्छौ अपार सम्भावना’ अवधारणाले कसैले प्रयास गरेमा अरुले सामान्य आँखाले स्पष्ट देख्न नसक्ने सतहभन्दा टाढाका अवसर देख्न सक्ने प्रयासलाई बिम्वित गर्ने बैंकको दाबी छ । यसले आत्मविश्वासको भावना उत्पन्न गर्ने प्रयास गर्छ र यसैमार्फत् बैंकले मुलुकको असीमित स्रोतसाधनको उपयोग गर्नमा सहायता गर्ने जनाएको छ ।

बैंकले भनेको छ, “यो अभियान ‘हामी देख्छौ अपार सम्भावना’ को मर्म भविष्यको लागि हाम्रो दुरदृष्टिमा केन्द्रित छ भने यसको व्यवसायिक मूल्य मान्यताको अन्तरंगबाट सिर्जित भएको छ । एनएमबिसँग प्राप्त अवसरलाई सशक्त बनाउने र जे साधारण देखिन्छ त्यस भन्दा अगाडी देख्ने ऐतिहासिक सामथ्र्य रहँदै आएकोछ । हामी दृष्टिगोचर भन्दा अगाडी देख्नमा विश्वास राख्दछौं र त्यो नै हाम्रो सफलताको लागि उत्प्रेरक बन्ने गरेको छ । यो अभियानले हामी सबै नेपालीहरुका लागि नेपालमा प्रशस्त अवसरहरु छन् र एनएमबि ती अवसरलाई सफलतामा परिणत गराउनका लागि सहायता गर्न तत्पर छ भनी सम्पूर्ण सरोकारवालालाई आश्वस्त तुल्याउन चाहन्छौं ।”
 

सम्बन्धित खबर

सेयर बजार आज २२ अंकले बढ्यो

६२ अंकले बढ्याे नेप्से परिसूचक

१.८८ अंकले घट्याे सेयर बजार

ग्लोबल आइएमई बैंकका ग्राहकलाई दुषित थानी हिमालयन रिसोर्टमा १५ प्रतिशत छुट

नेप्से १८ अंकले घट्यो

आज २० अंकले घट्यो नेप्से