८ मंसिर २०८१, शनिबार
२०७६ आश्विन ३० गते, बिहीबार १४:१५ मा प्रकाशित
फूलैफूलको पर्व तिहार नजिकिँदै छ । तिहारमा विशेषगरी सयपत्री, मखमली र गोदावारी फूलको प्रयोग हुने गरेको छ । तिहारको आगमनसँगै बजारमा फूल व्यापारको चर्चा पनि सुरु हुन थालेको छ ।
फ्लोरिकल्चभर एसोसिएसन अफ नेपाल (फ्यान) ले यो वर्षको तिहारमा सयपत्री, मखमली र गोदावारी गरेर २५ लाख मालाको माग रहेको बताएको छ । फ्यानका अध्यक्ष कुमार कसजु श्रेष्ठले यो वर्ष तिहारमा सबै (मखमली, सयपत्री, गोदावारी) करिब २५ लाख मालाको माग भएको बताए । यसमध्ये १८ लाख माला सयपत्री फूलको हुने र बाँकी गोदावरी र मखमली फूलको माला हुने उनले बताए ।
श्रेष्ठका अनुसार हरेक वर्ष ५ प्रतिशतले फूल आयात प्रस्थिापन गर्न एसोसिएसन लागिपरेको छ । यो वर्ष २ लाख ५० हजार माला बाह्य मुलुकबाट आयात गरिने जानकारी उनले दिए ।
गत वर्षको तिहारमा २२ लाख मालाको कारोबार भएको उनले बताए । अध्यक्षका अनुसार यो वर्ष तिहारमा एउटा मालाको लागि ६० देखि एक सय रुपैयाँसम्म तिर्नुपर्ने छ । यो वर्ष तिहारमा १३ करोड भन्दा बढीको कारोबार हुने व्यवसायीहरुको अपेक्षा छ ।
करिब ४३ जिल्लामा पुष्प खेती हुने गरेको तथ्यांक छ । नेपालमा हाल १ सय ५७ हेक्टर क्षेत्रफलमा पुष्प व्यवसाय गरिएको र ४३ हजार ५ सय भन्दा बढी मानिस प्रत्यक्ष वा अप्रत्यक्ष रुपमा पुष्प व्यवसायसँग जोडिएको तथ्यांक छ । नेपालमा दैनिक २० हजार मालाको माग छ । तिहारको समयमा सबैभन्दा बढी फूलका माला खपत हुने गरेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
