९ मंसिर २०८१, आईतवार
२०७४ चैत्र २६ गते, सोमबार ०८:२२ मा प्रकाशित
बन्दीपूर ५ ढावमा ८ करोडको लगानीमा मस्याङ्दी रिभर भ्यू रिर्सोट सञ्चालन भएको छ । महेन्द्रमोहन भट्टराई र सिता भट्टराईले करीव २३ रोपनी जग्गामा फैलिएको रिर्सोट सञ्चालनमा ल्याएका हुन् ।
काठमाण्डौं–पोखरा पृथ्वीराजमार्गको विमलनगर चूनपहराभन्दा करीव १ किलोमिटर पर राजमार्गभन्दा २ सयमिटर तल मस्र्याङदी नदी किनारमा रिर्सोट छ । रिर्सोट निर्माण गर्न करीव १५ महिना लागेको रिर्सोटकी अध्यक्ष सीता भट्टराईले बताएकी छिन् । रिर्सोटमा स्वीमिङ पुल, बालिकाका लागि चिल्ड्रेन गार्डेन, दुई सय जनासम्म अट्न सक्ने क्षमताको हल, ३० जना क्षमताको बैठक हल निर्माण गरिएको सञ्चालक महेन्द्रमोहन भट्टराईले बताए ।
तनहुँको डुम्रे बजार र त्यसभन्दा पर एवम् विमलनगर, आँबुखैरेनी, गोरखाको च्याङ्ली लगायतका क्षेत्रमा समेत कार्यक्रम गर्न एक सुविधा सम्पन्न हल नभएको र समस्यामा आफैं समेत परेकोले रिर्सोटमा सुविधा सम्पन्न हलको व्यवस्था गरिएको सञ्चालक।े बताएका छन् । पृथ्वीराजमार्ग भएर यात्रा गर्ने स्वदेशी तथा विदेशी पर्यटकहरुलाई लक्षित गरी मस्याङदी नदीको किनारमा रिर्सोट निर्माण गरिएको भट्टराईले जानकारी दिइन । आवासीय रुपमा बस्नका लागि १० वटा सेमी डिलक्स रुम निर्माण गरिएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
