९ मंसिर २०८१, आईतवार
२०७६ मंसिर २ गते, सोमबार १०:२५ मा प्रकाशित
नेपाल राष्ट्र बैंकका गर्भनर डा. चिरञ्जिवी नेपालले बैंकिङ विषयबारे अझै पनि चेतनास्तर वृद्धि हुन नसकेको बताएका छन् ।
काठमाडौंमा सुरु भएको तेस्रो बैंकिङ एक्स्पो २०१९ को आइतबार उद्घाटन गर्दै गर्भनर नेपालले मानिसहरुमा अझै पनि नोटबारे आवश्यक जानकारी नहुँदा उचित किसिमले सुरक्षा र उपयोग समेत गर्न नसकिएको बताएका हुन । यस्तो एक्सपोले जनचेतना बढाउन भूमिका खेल्नुपर्ने उनको भनाइ छ ।
कार्यक्रममा नेपाल धितोपत्र बोर्डका कायम मुकायम अध्यक्ष्य परिष्ठनाथ पौडेलले धितोपत्र बोर्डले अब सबै बिमा कम्पनीहरुले आफैले सामुहिक लगानी कोष राख्न पाउने गरि नियमावली बनाइसकेको जानकारी दिए ।
भित्री कारोबार निरुत्साहित गर्न समेत बोर्डले काम गरिरहेको उनले उल्लेख गरे ।
नेपाल बैंकर्स एसोसियसनका सदस्य अशोक शेरचनले पछिल्लो समय ह्याकिङको समस्या बढ्दो रहनु चिन्ताको विषय रहेको र यसका लागि ग्राहकहरु पनि उत्तिकै सचेत हुनुपर्ने बताए ।
बैंक, बिमा र पुँजी बजारको बारेमा जानकारी दिने उद्देश्यले दुई दिने एक्स्पो गरिएको हो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
