९ मंसिर २०८१, आईतवार
२०७४ चैत्र २८ गते, बुधबार ०६:४७ मा प्रकाशित
सांग्रिला डेभलपमेन्ट बैंकले संस्थापक समुह तर्फको तीन लाख ९२ हजार सात सय ७२ कित्ता तथा सर्वसाधारण समुह तर्फको पाँच लाख नौं हजार दुई सय २५ कित्ता गरि जम्मा नौ लाख एक हजार नौ सय ९७ कित्ता हकप्रद सेयर बाँडफाँट गरेको छ ।
खोलिएका शिलबन्दि बोलपत्रहरुमध्ये संस्थापक समुह तर्फ रु. एक सय पाँच तथा सर्वसाधारण समुह तर्फ रु. एक सय ४२ भन्दा बढीको दरमा प्राप्त भएको बोलपत्रलाई दरखास्त भए जति सबै कित्ता सेयर बाँडफाँट गरिएको छ । बाँकी रहेको संस्थापक समुह तर्फ रु. १ सय ५ प्रस्ताव गर्ने बोलपत्रदातालाई ५४.२२ प्रतिशतले तथा सर्वसाधारण समुह तर्फ रु. एक सय ४२ प्रस्ताव गर्ने बोलपत्रदातालाई १६.१० प्रतिशतले दामाशाहीमा बाँडफाँट गरिएको प्रमुख कार्यकारी अधिकृत राजेन्द्र प्रसाद पौडेलले जानकारी दिए ।
बाँडफाँट भएसँगै अंकित मूल्यभन्दा बढि रकमले हुने जम्मा रु. दुई करोड ६६ लाख ४७ हजार सेयर प्रिमियम खातामा जम्मा हुनेछ । सेयर बाँडफाँटपछि बैंकको सेयर पूँजी रु. २ अर्ब ५० करोड पुग्ने नायव प्रमुख कार्यकारी अधिकृत दिनेश थकालीले बताएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
