१४ मंसिर २०८१, शुक्रबार
२०७६ मंसिर २६ गते, बिहीबार १३:०२ मा प्रकाशित
संखुवासभा जिल्लाको मादी गाउँमा अज्ञात समूहले सडक निर्माणमा रहेको एक्साभेटरलाई आगो लगाएर पूर्ण रुपमा क्षति पुर्याइदिएको छ ।
बुधबार मध्यराति करीव सवा १२ बजे सगरमाथा कन्ट्रक्सन कम्पनीको ‘थ्री ट्वान्टी डी टू’ क्याट एक्साभेटरमा आगो लगाएर नोक्सान गरिएको हो ।
एक्साभेटरमा आगो लगाएर अज्ञात समूहले नोक्सानी पुर्याएपछि संखुवासभा प्रहरीले घटनाको अनुसन्धान शुरु गरेको छ । प्रहरीले दोषीले उन्मुक्ति नपाउने चेतावनी दिएको छ ।
सगरमाथा कन्ट्रक्सन कम्पनी, काठमाडौंले बज्रगुरु ग्रुपलाई एक्साभेटर सडकको काम गर्नका लागि भाडामा दिएको थियो । बज्रगुरु ग्रुपका सञ्चालक रेवन्त बस्नेत हुन् ।
सगरमाथा कन्ट्रक्सन कम्पनीका सञ्चालक गोपाल श्रेष्ठले बुधबार मध्यराति करीव सवा १२ बजे क्याट कम्पनीको ‘थ्री ट्वान्टी डी टू’ एक्साभेटरमा अज्ञात समूहले आगो लगाएर पूर्ण रुपमा क्षति पुर्याएको जानकारी दिए । श्रेष्ठले एक्साभेटरमा कसले र किन आगो लगाएको हो आफूलाई कुनै जानकारी नरहेको बताए ।
निर्माण व्यवस्थायीहरूलाई देशभरि आक्रमण र निर्माण सामाग्रीहरूमा क्षति पुर्याउने गतिविधि भइरहेका बेला संखुवासभामा एक्साभेटरमा आगो लगाएर क्षति पर्याइएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
