१३ मंसिर २०८१, बिहीबार
२०७७ श्रावण १४ गते, बुधबार ११:५७ मा प्रकाशित
काठमाडौं । तोलामा तीन सय रुपैयाँले बढेर बुधबार फेरि सुनको मूल्यले नेपाली बजारमा नयाँ रेकर्ड बनाएको छ । बुधबार छापावाला सुन प्रतितोला ९८ हजार ५ सय रुपैयाँमा किनबेच भएको छ । यो नेपाली बजारको हालसम्मकै उच्च मूल्य हो ।
मंगलबार छापावाला सुन प्रतितोला ९८ हजार २ सय रुपैयाँमा किनबेच भएको थियो । अन्तर्राष्ट्रिय बजारमा सुनको मूल्य बढेर प्रतिऔंस १९ सय ५२ डलर हाराहारीमा कारोबार भइरहेको छ ।
अन्तर्राष्ट्रिय बजारको प्रभाव नेपाली बजारमा परेको हो । बुधबार तेजावी सुन प्रतितोला ९८ हजार ६५ रुपैयाँमा किनबेच भएको छ । चाँदीको मूल्य भने तोलामा २० रुपैयाँले घटेर प्रतितोला १ हजार २ सय २५ रुपैयाँमा कारोबार भइरहेको महासंघले जनाएको छ । अन्तर्राष्ट्रिय बजारमा आर्थिक मन्दी छाएपछि सुनको मूल्यले दैनिकरुपमा रेकर्ड बनाइरहेको हो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
