१३ मंसिर २०८१, बिहीबार
२०७७ श्रावण १६ गते, शुक्रबार १२:५६ मा प्रकाशित
काठमाडौं । तोलामा ३ सय रुपैयाँले बढेर शुक्रबार फेरी सुनको मूल्यले नेपाली बजारमा नयाँ रेकर्ड बनाएको छ । बिहीबारको रेकर्ड शुक्रबार तोडिएको हो ।
शुक्रबार छापावाला सुन प्रतितोला ९९ हजार ३ सय रुपैयाँमा किनबेच भएको नेपाल सुनचाँदी व्यवसायी महासंघले जनाएको छ । अब तोलामा सात सय रुपैयाँले वृद्धि भयो भने सुन प्रतितोलाको एक लाख रुपैयाँ पर्नेछ । बिहीबार छापावाला सुन प्रतितोला ९९ हजार रुपैयाँमा किनबेच भएको थियो ।
शुक्रबार तेजावी सुन प्रतितोला ९८ हजार ८ सय ६५ रुपैयाँमा किनबेच भएको छ । चाँदीको मूल्य भने तोलामा पाँच रुपैयाँले घटेर प्रतितोला एक हजार दुई सय २० रुपैयाँमा कारोबार भइरहेको महासंघले जनाएको छ । अन्तर्राष्ट्रिय बजारमा आर्थिक मन्दी छाएपछि सुनको मूल्यले दैनिकरुपमा नेपाली बजारमा रेकर्ड बनाइरहेको छ । अन्तर्राष्ट्रिय बजारमा सुन प्रतिऔंस १९ सय ६८ डलर हाराहारीमा कारोबार भइरहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
