एग्री विजनेशमा एमबिए संचालन गर्दै किंस कलेज

होमल्याण्ड खबर

२०७५ असार ८ गते, शुक्रबार ०९:४९ मा प्रकाशित

काठमाण्डौं स्थित किंग्स कलेजले यसै वर्षदेखि नेपालमा पहिलो पटक एमबिए इन नन् प्रफिट म्यानेज्मेन्ट र एमबिए इन एग्री विजनेश संचालन गर्ने भएको छ । अमेरिकास्थित वेष्टक्लिफ विश्वविद्यालयको सम्बन्धनमा साउनदेखि कक्षा संचालन हुनेछ । यी दुबै कार्यक्रमहरु नेपाली परिवेश सुहाउँदो हुने गरी नेपालमै तयार गरिएको छ । उक्त कार्यक्रमहरु त्रिभुवन विश्वविद्यालयबाट स्वीकृत भइसकेको कलेजले जनाएको छ ।
नेपालको उच्च शिक्षालाई समयसन्दर्भ अनुसार पाठ्यक्रमको विकास गरी विद्यार्थीहरुलाई विषय छनोटको विकल्प प्रदान गरिने पनि कलेजले जनाएको छ । शिक्षालाई ब्यक्ति, समाज तथा राष्ट्र विकासमा एक सशक्त माध्यम बनाउन सघाउनुपर्ने आजको आवश्यकतालाई मध्यनजर गरी यी शैक्षिक कार्यक्रमहरु संचालन हुन लागेको कलेजले जारी गरेको विज्ञप्तिमा उल्लेख छ ।
नोबेल पुरष्कार विजेता मोहम्मद यूनुसद्धारा प्रतिवादित एवं प्रबद्र्धत सामाजिक उद्यमशिलताको धारणासँग मिल्दोजुल्दो गैर नाफामुलक क्षेत्रको राष्ट्रिय तथा अन्तर्रा्ष्ट्रिय क्षेत्रमा वर्तमान समयमा बढेर गएको सन्दर्भलाई मनन गरी र नेपालमा प्रचुर सम्भावनाको बाबजुत कृषिक्षेत्र अझै पनि परंपरागत तथा जीविकामा आधारित रहेकाले यसलाई आधुनिक, एक प्रमुख औधोगीक क्षेत्र र अर्थतन्त्रको मूल आधार बनाउनुपर्ने अवस्थामाथि केन्द्रित हुँद्रै सोका लागि आवश्यक जनशक्ति तथा उद्यमीहरु तयार गर्नको लागि यी दुई समयसापेक्ष कोर्षहरु पठनपाठनमा ल्याउन लागिएको कलेजको सिईओ नरोत्तम अर्यालले बताएका छन् ।
पछिल्लो समय, दातृ निकाय निर्दे्शित वा परनिर्भर मानसिकतालाई चुनौती दिइ बदलिँदो सामाजिक, राजनीतिक तथा आर्थिक परिवेशमा स्ववलम्बन तथा आत्मनिर्भरतातर्फ प्रेरित गर्ने कार्यक्रमको अवश्यकता भएको कलेजद्वारा जारी विज्ञप्तिमा भनिएको छ ।

सम्बन्धित खबर

सेयर बजार २६६७ अंकमा झर्‍यो, घट्यो कारोबार

सुनको भाउ बढ्यो, तोलाको कति ?

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा

तोलामा १ हजार बढ्यो सुन, कतिमा हुदैँछ कारोबार ?

काठमाडौं महानगरले उठायो ३ अर्ब १६ करोड बढी राजस्व