१२ मंसिर २०८१, बुधबार
२०७८ कार्तिक ४ गते, बिहीबार ०७:०३ मा प्रकाशित
प्रदेश १ सरकारले केही दिनदेखिको अविरल वर्षापछि आएको बाढीपहिरोमा परी ज्यान गुमाएका व्यक्तिका परिवारलाई १ लाख रुपैयाँ राहत दिने निर्णय गरेको छ ।
बुधबार बसेको मन्त्रिपरिषद् बैठकले बाढी पहिरोले पूर्ण रूपमा घरमा क्षति पुर्याएको परिवारलाई घर बनाउन ३ लाख राहत उपलब्ध गराउने निर्णय पनि गरेको सामाजिक विकास मन्त्री बलबहादुर साम्सोहाङले जानकारी दिए ।
यसैबीच मुख्यमन्त्री भीमप्रसाद आचार्यले विराटनगरको हवाई सेवा सुचारु गर्न, दुहवीमा विजुलीको शव–स्टेशनमा भएको समस्या तत्काल समाधान गर्न, बाढी पहिरोमा फसेकालाई उद्धार, सहयोग गर्न तथा प्रदेशभरी भएको क्षतिको विवरण संकलन गर्न मातहतका विभागहरूलाई निर्देशन समेत दिएका छन् ।
स्थानीय तहहरूसँग समन्वय गरी भएका सबै अवरोधहरू हटाउन सरकारका सबै संयन्त्र परिचालित हुन मुख्यमन्त्री आचार्यले निर्देशन दिएको मुख्यमन्त्रीका प्रेस सल्लाहकार देवेन्द्र कार्कीले बताए। उनका अनुसार पाकेको धानबालीमा भएको क्षतिको विवरण संकलन गरी कृषकका लागि राहत प्याकेज ल्याउन भूमिीव्यवस्था, कृषी तथा सहकारी मन्त्रालयलाई मुख्यमन्त्री आचार्यले निर्देशन दिएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
