बुटवलमा तीन सय ८३ तोला सुन र नगद पाँच लाख चोरी

होमल्याण्ड खबर

२०७९ बैशाख १४ गते, बुधबार १०:५६ मा प्रकाशित

बुटवलमा तीन सय ८३ तोला सुन र नगद पाँच लाख चोरी भएको छ । बिपी चोकमा रहेको नन्दराम सुनारको सुनचाँदी पसलबाट करिब पाँच करोड मूल्यबराबरको गरगहना र नगद पाँच लाख चोरी भएको हो। पटकपटक सुनचाँदी पसलमा चोरी हुने भए पनि संलग्नहरू पक्राउ नपरेको व्यवसायीहरूको गुनासो रहेको छ ।

उक्त पसलबाट तीन सय ६० तोलाका तयारी गहना र २३ तोला काँचो सुन चोरी भएको व्यवसायीहरूले आज पत्रकार सम्मेलन गरेर जानकारी दिएका हुन् । घटनाको बारेमा प्रहरीले अनुसन्धान गरेको जनाइएको छ । सिसीक्यामेरा फुटेज हेरेर अनुसन्धान सुरू भएको छ । पसल राख्न भन्दै घर भाडामा लिएर भारतीय नागरिकहरूले चोरी गरेको आशंक गरिएको छ ।

योगेन्द्र अग्रहरिको घर भाडामा लिएर उनीहरूले कपडा पसल राख्न डेकोरेसनको कामसमेत थालेका थिए। कपडा पसल राख्न भाडामा लिएकै घरमा सुन पसल पनि थियो। सुनचाँदी व्यवसायी संघ रूपन्देहीका अध्यक्ष रामकृष्ण विश्वकर्माले यो चोरीको घटना रूपन्देहीमा अहिलेसम्मकै ठूलो भएको बताएका छन्।

जिल्ला प्रहरी कार्यालय रूपन्देहीका प्रहरी नायब उपरीक्षक नवरत्न पौडेलले सुन चोरी गर्नेहरूको खोजि भइरहेको जानकारी गराए।

सम्बन्धित खबर

२ हजार ६ सय रुपैयाँले घट्यो सुनको मूल्य

भन्सार दर घटेपछि तोलामै १५ हजार ९ सय घट्यो सुन

सेयर बजार २६६७ अंकमा झर्‍यो, घट्यो कारोबार

सुनको भाउ बढ्यो, तोलाको कति ?

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा