त्रिभुवन विमानस्थलबाट २ केजी ३३२ ग्राम सुनसहित ५ जना पक्राउ

होमल्याण्ड खबर

२०७९ बैशाख १६ गते, शुक्रबार १३:२९ मा प्रकाशित

प्रहरीले २ के.जी. ३३२ ग्राम सुनसहित ५ जनालाई पक्राउ गरेको छ । बिहीबार विमानस्थलबाट भिमकुमार माबो र सुमन तामाङले बोकेको मनि पर्स भित्र टेपले बेरिएको ११६६ ग्राम/११६६ ग्राम सुनसहित पक्राउ गरेको प्रहरी उपरीक्षक प्रवक्ता एवं सूचना अधिकारी हिमालय कुमार श्रेष्‍ठले जानकारी दिए ।

श्रेष्ठका अनुसार माबो र तामाङसहित उदयपुर लिम्चुङबुङ गाउँपालिका- २ का २८ वर्षीय राजेश राई, दोलखा गौरीशंकर गाउँपालिका-२ का ट्याक्सी चालक ४१ वर्षीय हेम बहादुर थापा र सुनगाभा सप्लायर्स एण्ड सरसफाई प्रा.लि.मार्फत विमान भित्र सरसफाई गर्ने भनी सुपरभाईजरको रुपमा ड्यूटी खटिएका सप्तरी सुरुङ्गा नगरपालिका- ४ का ३६ वर्षीय ताराकान्त चौधरी समेतलाई पक्राउ गरेको छ। प्रहरीले उनीहरुलाई नियन्त्रणमा लिई बरामद सुनसहित आवश्यक अनुसन्धान एवं कारबाहीको लागि त्रिभुवन विमानस्थल भन्सार कार्यालय, गौचरमा बुझाइएको जनाएको छ ।

सम्बन्धित खबर

२ हजार ६ सय रुपैयाँले घट्यो सुनको मूल्य

भन्सार दर घटेपछि तोलामै १५ हजार ९ सय घट्यो सुन

सेयर बजार २६६७ अंकमा झर्‍यो, घट्यो कारोबार

सुनको भाउ बढ्यो, तोलाको कति ?

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा