करिब १६ अंकले नेप्से घट्दा कारोबार रकममा देखियो असर

होमल्याण्ड खबर

२०७९ जेष्ठ ३० गते, सोमबार १५:५९ मा प्रकाशित

सोमबार सेयर बजार घटेको छ। यो साताको कारोबारको लागि पहिलो दिन आज नेप्से परिसूचक १५.८२ अंकले घटेर २,०३२.३४ बिन्दुमा पुगेको हो। आज बजार घटेसँगै कारोबार रकम पनि घटेको छ। सोमबार कुल २३० किसिमका धितोपत्र तथा ऋणपत्रको २९ लाख २० हजार ७०५ सेयर किनबेच हुँदा ९९ करोड ८६ लाख ७४ हजार रूपैयाँको कारोबार भएको छ।

आज ५५ धितोपत्र तथा ऋणपत्रको मूल्य बढेको छ भने १५७ वटाको मूल्य घटेको छ। आज सबैभन्दा धेरै बलेफी हाइड्रोपावरको ९.९९ प्रतिशतले बढेको छ। यसपछि ग्रीन भेन्चर लिमिटेडको ९.९८ प्रतिशतले बढेको छ। आज सबैभन्दा धेरै घट्नेमा भने मानुषी लघुवित्त वित्तीय संस्था रहेको छ। लघुवित्तको ५.४० प्रतिशतले सेयर मूल्य घटेको हो। आज कारोबारमा आएका १३ उपसमूहहरूमध्ये सबैको मूल्य घटेको छ। जसमध्ये पनि सबैभन्दा धेरै लाइफ इन्स्योरेन्सको १.४४ प्रतिशत, इनभेस्टमेन्टको १.३८ प्रतिशत र होटल एन्ड टुरिजमको १.३४ प्रतिशतले घटेको हो।

सम्बन्धित खबर

२ हजार ६ सय रुपैयाँले घट्यो सुनको मूल्य

भन्सार दर घटेपछि तोलामै १५ हजार ९ सय घट्यो सुन

सेयर बजार २६६७ अंकमा झर्‍यो, घट्यो कारोबार

सुनको भाउ बढ्यो, तोलाको कति ?

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा