१० मंसिर २०८१, सोमबार
२०७५ भाद्र १५ गते, शुक्रबार १०:४२ मा प्रकाशित
नेपालका लागि जेसीबी ब्रान्डका हेभि इक्विपमेन्ट तथा निर्माण उपकरणको आधिकारिक विक्रेता एमएडब्लु अर्थमुभर्सले १ सय २० टनको नयाँ एस्काभेटर सार्वजनिक गरेको छ । काभ्रे इँटा व्यवसायी संघको तेस्रो वार्षिक साधारण सभाको अवसर पारेर जेसीबीले नयाँ जेएस १२० एस्काभेटर सार्वजनिक गरेको हो ।
जेसीबी जेएस१२० सेग्मेन्टकै सबैभन्दा उत्कृष्ट उत्पादनमध्ये पर्छ । प्रति घन्टा ८ प्रतिशत कम इन्धन खपत गर्ने यो एस्काभेटरको बकेट क्यापासिटी ०.५ देखि ०.६५ क्युबिक मिटरसम्म रहेको छ । यसको अधिकतम इन्जिन पावर ६० किलोवाट रहेको छ । जेएस १२० खन्ने कार्य, सडक, इँटा उद्योग र अन्य निर्माण कार्यको विश्वस्त सहकर्मी सावित हुने एमएडब्लु अर्थमुभर्सका सेल्स एन्ड मार्र्केिटङ डीजीएम दिपकराज गिरीले बताएका छन् ।
अत्याधुनिक प्रविधिजडित जेएस १२० पुनेस्थित जेसीबी प्लान्टबाट उत्पादन हुने गर्छ । अन्य ब्रान्डका मेसिनको तुलनामा यसको उत्पादकत्व बढी र मर्मत खर्च कम पर्ने पनि उनी बताउँछन् । नयाँ एस्काभेटरमा जेसीबी इकोम्याक्स इन्जिन लगाइएको छ । उच्च उर्जा शक्ति, लामो आयु, कम आवाज र कम कम्पन इकोम्याक्स इन्जिनका विशेषता हुन् ।
नयाँ एस्काभेटरमा अपरेटर रुम पनि ठूलो र आरामदायी छ । जेसीबी जेएस १२० मा अत्याधुनिक टेलेम्याटिक्स प्रविधि लाइभलिंक जडान गरिएको छ जसमार्फत टाढैबाट मेसिनको पर्फमेन्स र इन्जिनको अवस्थालाई अनुगमन गर्न सकिन्छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
