११ मंसिर २०८१, मंगलवार
२०७५ कार्तिक ३० गते, शुक्रबार ११:३२ मा प्रकाशित
१६औं हस्तकला व्यापार मेलाको दोश्रो दिन भृकुटिमण्डपमा अवलोकनकर्ताहरुको अपार भीड रहेको थियो । मेला अवलोकन गर्न नेपालको लागि राजदूतविभिन्न देशका राजदुतहरु आएका थिए ।
नेपालको लागि जर्मन राजदूत रोनाल्ड स्काफरले विहीबार मेला अवलोकन गरेका थिए । उनले मेला अवलोकन पश्चात छोटो मन्तव्य दिदै नेपाली हस्तकलाको व्यापार स्थानिय बजारमा मात्र सिमित नभई युरोपियन तथा अन्तरराष्ट्रिय बजारमा परिचित गराउन सके यसले व्यापक रुपमा बजार लिन सक्ने क्षमता रहेको र यसले नेपाली दैनिक जन जीवनमा समेत सकारात्मक असर पार्ने कुरा व्यक्त गरे । त्यसगरी मित्र राष्ट्र भारतका महामहिम राजदूत मन्जीभ सिंह पुरीले नेपाली हस्तकलाको विकास प्रसंसा योग्य रहेको छ । यो क्षेत्र परम्परागत कलाकारितामा मात्र सिमित नभई व्यवसायिकता तर्फ पनि उन्मूख भइरहेको छ । नेपाली र भारतिय जनताको मैत्रीपूर्ण सम्बन्धमा कला र संस्कृतिको अत्यन्तै ठूलो महत्व रहेको छ । यस व्यापार मेलाको प्रगति र निरन्तरताको लागि शुभकामना समेत व्यक्त गरे ।
मेलाको थप आकर्षणको रुपमा अमूर्त साँस्कृतिक सम्पदा अन्तरगत नृत्य प्रदर्शनीको क्रममा मेला स्थलमा चर्या नृत्य, पञ्च बुद्ध नृत्य मञ्चन गरिएको थियो । त्यसैगरी कार्यक्रममा नेपाल उद्योग वाणिज्य महासंघको सहयोगमा ७० वर्ष नाघेको दश जना वरिष्ठ तथा जेष्ठ कलाकारहरुलाई ताम्रपत्र र सगुन सहित नेपाल उद्योग वाणिज्य महासंघका अध्यक्ष भवाणी राणा र महासंघका अध्यक्ष धर्म राज शाक्यले सम्मान गरिएको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
