८ मंसिर २०८१, शनिबार
२०८१ जेष्ठ २९ गते, मंगलवार १५:२९ मा प्रकाशित
बैङ्कहरूको ब्याजदर लगातार जसो घटिरहेको छ । निक्षेपको ब्याजदर मात्र नभएर कर्जाको पनि ब्याजदर घटेको छ । नेपाल राष्ट्र बैंकका अनुसार गत वर्षको वैशाख मसान्तसम्म कर्जाको औसत ब्याजदर १२.६५ प्रतिशत रहेकोमा चालु वर्षको वैशाखसम्म आइपुग्दा २.३१ प्रतिशतले ब्याजदर घटेको देखिन्छ ।
कर्जाको भारित औसत ब्याजदर वैशाखमा वाणिज्य बैङ्कहरूको १०.३४ प्रतिशत, विकास बैङ्कहरूको ११.८९ प्रतिशत र वित्त कम्पनीहरूको १३.११ प्रतिशत रहेको छ । यो वर्षको वैशाखमा वाणिज्य बैङ्कहरूको औसत आधार दर ८.३४ प्रतिशत, विकास बैङ्कहरूको १०.१५ प्रतिशत र वित्त कम्पनीहरूको ११.६१ प्रतिशत रहेको छ ।
अघिल्लो वर्षको चैतमा वाणिज्य बैङ्कहरूको औसत आधार दर १०.२७ प्रतिशत रहेको थियो । गत वर्ष ९१–दिने ट्रेजरी बिलको भारित औसत ब्याजदर ९.६६ प्रतिशत रहेकोमा यो वर्ष ह्वात्तै घटेर ३.०२ प्रतिशतमा झरेको छ ।
यस्तै बैंक तथा वित्तीय संस्थाहरुबीचको अन्तर बैंक कारोबारको भारित औसत ७ प्रतिशतबाट २.८८ प्रतिशतमा झरेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
