एनएमबी बैंक र एनएनसीएसआईबीच सहमति

होमल्याण्ड खबर

२०७५ मंसिर २१ गते, शुक्रबार १०:४३ मा प्रकाशित

एनएमबी बैंक र नेपाल घरेलु तथा साना उद्योग महासंघ (एफएनसीएसआई) बीच वित्तीय साक्षरता कार्यक्रम सञ्चालन गर्ने सहमति भएको छ ।

एनएमबी बैंक र नेपाल घरेलु तथा साना उद्योग महासंघबीच वित्तीय साक्षरता कार्यक्रम सञ्चालन गर्ने सम्बन्धमा आशयपत्र हस्ताक्षर भएको हो । उक्त सम्झौताअनुसार एनएमबी बैंकसँगको सहकार्यमा एफएनसीएसआईले सो वित्तीय साक्षरता कार्यक्रम आफ्ना ४५ हजार सदस्यहरूमाझ सञ्चालन गर्नेछ जसमध्ये ९ हजार सदस्य महिला उद्यमी छन् ।

वित्तीय साक्षरता कार्यक्रम लघु, साना तथा मझौला उद्यमीहरूको पक्षमा केन्द्रित हुनेछ जहाँ यस कार्यक्रमले सहभागी प्रशिक्षार्थीहरूलाई आर्थिक स्रोत सुनिश्चित गर्ने र स्रोतको अधिकतम उपयोग गर्ने विषयमा प्रशिक्षण प्रदान गरिनेछ । उक्त वित्तीय साक्षरता कार्यक्रमबाट सहभागीहरूले प्रभावकारी आर्थिक निर्णयहरू लिन सक्षम हुने बैंकका विश्वाश छ ।

आशयपत्रमा एनएमबी बैंकको तर्फबाट प्रमुख व्यापार अधिकृ गोविन्द घिमिरे र एफएनसीएसआईको तर्फबाट महासचिव डम्बरप्रसाद रेग्मीले हस्ताक्षर गरे । एनएमबी बैंकमा एफएमओ, नेदरल्याण्ड्ससँग १७ प्रतिशत लगानि छ र बैंक लगातार २०१७ र २०१८ का लागि ‘बैंक अफ दि एयर’ अवार्डबाट सम्मानित भएकोे छ । हाल यस बैंकले ११० शाखा कार्यालयहरूमार्फत देशभर बैंकिङ सेवा प्रदान गरिरहेको छ ।

सम्बन्धित खबर

सुनको भाउ बढ्यो, तोलाको कति ?

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा

तोलामा १ हजार बढ्यो सुन, कतिमा हुदैँछ कारोबार ?

काठमाडौं महानगरले उठायो ३ अर्ब १६ करोड बढी राजस्व

विदेशी मुद्रा सञ्चिति २२ खर्ब ३२ अर्ब पुग्यो