११ मंसिर २०८१, मंगलवार
२०७५ पुष १ गते, आईतवार १२:०० मा प्रकाशित
सप्तरीको बोदे बर्साइन नगरपालिका–७ बगबिरा टोलमा शनिबार राति आगलागी हुँदा ६ घर जलेर खरानी भएको छ । आगलागीबाट करिब १० लाख बराबरको क्षति भएको प्रारम्भिक अनुमान गरिएको छ ।
स्थानीयवासी गेनी दासको गाईगोठमा लामखुट्टे धपाउन बालिएको घुरबाट राति १२ बजेतिर अचानक आगो सल्किए पछि ६ वटा घर जलेर खरानी भएको हो ।
तत्काल नियन्त्रणको उपाय हुन नसक्दा फैलिएर गेनीको दुई घरका साथै छिमेकी कारी दासको दुई घर, देवेन्द्र दासको एक घर र जोगेन्द्र दासको घुम्टी किराना पसल जलेर नष्ट भएको प्रहरीले जनाएको छ ।
इलाका प्रहरी कार्यालय बोदे बर्साइन अनुसार आगो निभाउने क्रममा गेनी दासकी ४१ वर्षीया श्रीमति देवकुमारी दास घाइते भएकी र उनको लहानस्थित सप्तऋषि नरसिंह होममा उपचार भइरहेको छ ।
आगलागीमा परि गेनी दासको गाई, भैंसी, बाख्रासमेत गरी आठ वटा पशुचौपाया जलेर मरेका छन् भने घरमा रहेका अन्नपात, लत्ताकपडा, फर्निचरलगायत सम्पूर्ण समान जलेर नष्ट भएको प्रहरीले जनाएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
