सेयर बजारमा निरन्तर गिरावट

होमल्याण्ड खबर

२०८२ फाल्गुन २७ गते, बुधबार १६:५५ मा प्रकाशित

बुधवार नेप्से परिसूचक ४६.७८ अंकले ओरालो लागेर २७९६ अंकमा झरेको छ । बजार खुलेको पहिलो एक घण्टामा हल्का उतार-चढाव देखिएको भए पनि त्यसपछि निरन्तर घट्दो ट्रेन्ड कायम रह्यो ।

आज बजारमा ३४ कम्पनीको मूल्य बढ्दा २२५ कम्पनीको मूल्य घट्यो, जबकि ३ कम्पनीको मूल्य स्थिर रह्यो। कारोबार रकम ३८% घटेर अघिल्लो दिनको २१ अर्ब ५० करोड रुपैयाँ बाट १३ अर्ब १८ करोड रुपैयाँमा झरेको छ । व्यापार समूह सबैभन्दा धेरै ३.४% घटेको छ ।

अन्य प्रमुख समूहको घटबढ यसप्रकार रहेको छ: बैंकिङ: १.८२% विकास बैंक: १.६१% फाइनान्स: २.०८% होटल तथा पर्यटन: १.५६% हाइड्रोपावर: ०.७१% लगानी: १.८७% जीवन बीमा: १.९८% उत्पादन तथा प्रशोधन: १.४३% माइक्रोफाइनान्स: १.६४% निर्जीवन बीमा: ०.९७% अन्य समूह: १.८३% आजको कारोबारमा केही कम्पनीको मूल्य उल्लेखनीय रूपमा बढेको छ ।

साल्पा विकास बैंक र नेसनल हाइड्रोपावर १०% ले बढेका छन्। रिलायन्स स्पिनिङ मिल्स ९.३३%, रिडी पावर ५.७२% ले मूल्य बढाएको छ।

त्यस्तै, कालिका पावरको मूल्य सबैभन्दा धेरै ८.४७% घटेको छ । पन्चकन्या माइ हाइड्रोपावर ५.७७%, थ्रीस्टार हाइड्रोपावर ५.३७%, र ट्रेड टावर ४.४७% ले घटेका छन् । आज धेरै कारोबार भएका कम्पनीमा रिडी पावर, आँखुखोला जलविद्युत्, नेसनल हाइड्रोपावर, अपी पावर, र ङादी ग्रुप रहेका छन् ।

सम्बन्धित खबर

सुनको मुल्य तोलाको दुई हजारले बढ्यो

३२ अंकले घट्यो नेप्से

बलियो निर्यातसँगै चीनको व्यापार वृद्धि

सुनचाँदीको मूल्य बढ्यो, कतिमा हुँदैछ कारोबार?

सुनको भाउ २५ सयले बढ्यो,तोलाको कतिमा हुँदैछ कारोबार ?

दोहोरो अंकले बढ्यो नेप्से