राष्ट्रसंघबाट जेरुसेलमसम्बन्धी अमेरिकी निर्णय अस्वीकृत

होमल्याण्ड खबर

२०७४ पुष ४ गते, मंगलवार ०५:२७ मा प्रकाशित

जेरुसलेमलाई इजरेलको राजधानीको मान्यता दिने अमेरिकी निर्णयलाई राष्ट्रसंघको सुरक्षा परिषद्ले अस्वीकृत गरेको छ । अमेरिकी राष्ट्रपति डोनाल्ड ट्रम्पको निर्णय अस्वीकृत गर्ने सुरक्षा परिषद्को प्रस्तावको पक्षमा १४ सदस्य राष्ट्रले मतदान गरेका थिए । अमेरिकाले भने परिषदको सो प्रस्ताव विरुद्ध भिटो प्रयोग गरेको थियो । यसअघि संयुक्त राष्ट्रसंघले सुरक्षा परिषद्का सदस्य राष्ट्रहरुबीच सहमति नजुटेसम्म जेरुसेलमले कानूनी रुपमा इजरेलको राजधानीको मान्यता नपाउने बताएको थियो ।  आफ्नो निर्णय विरुद्ध मत खसेपछि रुष्ट बनेको अमेरिकाले राष्ट्रसंघले इजरेल र प्यालेष्टाईनबीचको विवाद समाधान गर्ने नभई झनै खतरनाक परिस्थिती श्रृजना गरेको आरोप लगाउँदै भिटोको प्रयोग गरेको बीबीसीले जनाएको छ । अमेरिकी यस कदमलाई इजरेली राष्ट्रपति बेन्जामिन नेतान्याहुले सत्यको साथ दिएको बताएपनि प्यालेष्टेनी राष्ट्रपति मोहम्मद अब्बासले अन्तर्राष्ट्रिय समुदायमा स्थायित्वको लागि खतरापुर्ण र अपमानजनक रहेको प्रतिक्रिया दिनुभएको छ । प्यालेष्टाईनले यस विषयबारे छलफलका लागि राष्ट्रसंघीय महासभामा आपतकालीन् बैठकको तयारी गरेको बीबीसीले उल्लेख गरेको छ ।

सम्बन्धित खबर

अमेरिकाको राष्ट्रपतिमा डोनाल्ड ट्रम्पको जित पक्का

ह्यारिस र ट्रम्पबीच कडा टक्कर, दुवैको जित्ने सम्भावना बराबर

अमेरिकासँग हजार वटा अट्याक ड्रोन किन्दैछ ताइवान

विश्वका १६ देशको भाइटीकाको शुभ साइत सार्वजनिक, कहाँ कहिले ?

गाजास्थित मस्जिदमा भएको इजरायली आक्रमणमा २१ जनाको मृत्यु

विश्वकै दोस्रो धनाढ्य बने मार्क जुकरबर्ग