जुत्ता चप्पल मेलामा नेता देखि कलाकारहरुको अवलोकन

होमल्याण्ड खबर

२०७५ पुष १८ गते, बुधबार १५:३२ मा प्रकाशित

गत शुक्रबारबाट काठमाडौँको भृकुटीमण्डपमा सुरु भएको जुत्ता, चप्पल तथा छालाजन्य वस्तुहरुको १५औं राष्ट्रिय औधोगिक प्रदर्शनीमा दर्शक तथा उपभोक्ताको उत्साहजनक सहभागिता देखिएको छ । प्रदर्शनीमा विभिन्न सेलिब्रेटी, मन्त्री, सांसद तथा राजनीतिक दलका नेताहरुले पनि अवलोकन गरेका छन् ।

प्रदर्शनीमा मंगलबार ८० हजार भन्दा बढीले अवलोकन गरेको आयोजक समितिका संयोजक नवराज गौतमले जानकारी दिएका छन् । प्रदर्शन अवलोकन गर्न मंगलबार सांसद पम्फा भुसाल, विरोध खतिवडा, कोमल ओली, टोखा नगरपालिकाका मेयर प्रदर्शनीस्थल भृकुटीमण्डपमा पुगेका थिए ।
त्यस्तै यसअघि प्रदर्शनीको रक्षामन्त्री इश्वर पोख्रेल, अभिनेत्री संचिता लुइँटेल, प्रियंका कार्की, महानगरपालिकाकी उपमेयर हरिप्रभा खड्गी, मिस नेपाल शृंखला खतिवडाले अवलोकन गरिसकेका छन् । त्यस्तै नेपाल चेम्वर अफ कमर्सका अध्यक्ष राजेश काजी श्रेष्ठ,नेपाल वैकर्स एसोसिएसनका अध्यक्ष ज्ञानेन्द्र प्रसाद ढुंगानाले समेत प्रदर्शनीको अवलोकन गरिसकेका छन् ।

प्रदर्शनीमा विभिन्न ब्रान्डका स्वदेशी जुत्ता, चप्पल तथा छालाजन्य वस्तुहरुको प्रदर्शनीमा उपभोक्तालाई १० देखि १५ प्रतिशतसम्म छुट समेत दिइएको गौतमले बताए । संयोजक गौतमले यस पटक व्यापारलाई भन्दा पन विशुद्ध प्रदर्शनीलाई फोकस गरिएको बताए ।

‘राष्ट्र समृद्धिको आधार, स्वदेशी उत्पादनको प्रयोग’ भन्ने मूलनाराका साथ जारी प्रदर्शनीमा देशभरि छरिएर रहेका साना, मझौला एवं ठूला उधोगहरुद्वारा उत्पादित जुत्ता, चप्पल तथा छालाजन्य वस्तुहरुको सबै उत्कृष्ट उत्पादनहरु एउटै छानामुनि स्वस्थ तरिकाले ११ वटा प्रायोजकहरुको भव्य पेभिलियनसहित १९१ वटा स्टलहरु रहेका छन् ।  विदेशी जुत्ता ,चप्पल तथा छालाजन्य वस्तुको आयात प्रतिस्थापन गर्ने उद्देश्यले संचालित यस किसिमका औधोगीक प्रदर्शनीले नेपाली जुत्ता, चप्पल तथा छालाजन्य वस्तुहरुको वजार प्रवर्धन हुनुका साथै आयात प्रतिस्थापन लाई न्यूनिकरण गराई निर्यात प्रवर्धन गर्नका लागि अत्यन्तै ठूलो सहयोग पुग्ने अपेक्षा गरिएको छ ।

यो प्रदर्शनीमा १४० वटा स्टल रहनेछन जसमा जुत्ता चप्पल उत्पादन गर्ने उधोगहरु, छाला जन्य बस्तु उत्पादकहरु, र यस उद्योगहरु का लागी कच्चापदार्थ उत्पादन गर्ने उत्पादक तथा बितरकहरुको समेत सहभागीता रहेको छ । जसमा छालाका जुत्ता, स्पोर्टस जुत्ता, क्याजुअल जुत्ता ,स्कुल कलेजका युनिफर्मका जुत्ता, जेन्टस तथा लेडिज चप्पल एवं यस उद्योगसंग सम्बन्धित कच्चा पदार्थहरु तथा फुड स्टलहरु रहेका छन् ।

प्रदर्शनीमा अशक्तता तथा जेष्ठ नागरिकहरु, स्कुल तथा कलेजबाट अवलोकनका लागी यूनिफर्ममा आउने बिद्यार्थीहरु लाई निःशुल्क प्रवेशको ब्यवस्था मिलाएको छ भने राष्ट्रिय पोशाक लगाएर आउनेलाई निःशुल्क प्रवेशको व्यवस्था गरिएको छ ।

सम्बन्धित खबर

२ हजार ६ सय रुपैयाँले घट्यो सुनको मूल्य

भन्सार दर घटेपछि तोलामै १५ हजार ९ सय घट्यो सुन

सेयर बजार २६६७ अंकमा झर्‍यो, घट्यो कारोबार

सुनको भाउ बढ्यो, तोलाको कति ?

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा