कोरिया भाषा परीक्षा अर्को वर्षदेखि अनलाइनबाट

होमल्याण्ड खबर

२०७५ पुष ३० गते, सोमबार १०:५३ मा प्रकाशित

सन् २०२० देखि कोरिया रोजगारीका लागि दिनुपर्ने भाषा परीक्षा अनलाइनबाटै हुने भएको छ। वैदेशिक रोजगार विभागअन्तर्गतको रोजगार अनुमति प्रणाली (ईपीएस) परीक्षा अनलाइन प्रणालीमार्फत गराउने तयारीमा रहेको ईपीएस शाखाका प्रवक्ता शोभाखर भण्डारीले जानकारी दिए।  ‘अनलाइन भनेर घरमै बसेर दिन मिल्ने भने होइन हामीले परीक्षा केन्द्र तोकिदिएका हुन्छौँ। त्यहाँ छुट्टाछुट्टै कम्प्युटरबाट अनलाइनमा परीक्षा दिनुपर्नेछ’, भण्डारीले भने। उनका अनुसार हाल आवेदन प्रक्रियालाई अनलाइन प्रणालीमा परिणत गरिएको छ।

अर्को वर्ष सन् २०२० देखि अनलाइनबाटै ईपीइस परीक्षा दिने व्यवस्था हुने उनले बताए।

नेपाल सरकार र दक्षिण कोरियाबीच भएको समझदारीअनुसार २००८ देखि ईपीएस प्रणलीमार्फत रोजगारीका लागि नेपाली श्रमिक त्यहाँ जान थालेका छन्।उक्त प्रणालीबाट मंसिर मसान्तसम्म ५४ हजार नेपाली श्रमिक कोरिया गएका छन्। नागरिक दैनिकमा  समाचार प्रकाशित छ ।

सम्बन्धित खबर

२ हजार ६ सय रुपैयाँले घट्यो सुनको मूल्य

भन्सार दर घटेपछि तोलामै १५ हजार ९ सय घट्यो सुन

सेयर बजार २६६७ अंकमा झर्‍यो, घट्यो कारोबार

सुनको भाउ बढ्यो, तोलाको कति ?

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा