नेप्से ६.७४ अंकले बढ्यो

होमल्याण्ड खबर

२०८२ मंसिर ३० गते, सोमबार १६:३१ मा प्रकाशित

सेयर कारोबार मापक नेप्से परिसूचक सोमबार ६.७४ अंकले बढेको छ । अघिल्ला तीन कारोबार दिन लगातार घटेको नेप्से सोमबार पौने ७ अंकले बढेको हो । आइतबारको तुलनामा ०.२५ प्रतिशतले बढेपछि आज समग्र नेप्से २ हजार ६ सय १.६१ विन्दुमा उक्लेको छ ।

सो दिन कारोबारमा आएकामध्ये १५५ कम्पनीको सेयर मूल्य बढ्यो, ९४ कम्पनीको मूल्य घट्यो भने १० कम्पनीको मूल्य स्थिर रह्यो । यसदिन सेयर मूल्य बढ्नेभन्दा घट्ने कम्पनीको संख्या कम भएकाले समग्र नेप्से बढेको हो ।

सोमबार कुल ५६ हजार १ सय २२ पटकको सेयर कारोबारमा ७७ लाख ५७ हजार ६ सय २५ कित्ता सेयर किनबेच भए । ती किनबेचमा ३ अर्ब ४४ करोड १९ लाख रुपैयाँ बराबरको कारोबार भएको छ । अघिल्लो दिनको तुलनामा कारोबार रकम भने घटेको हो । आइतबार सेयर बजारमा ४ अर्ब रुपैयाँ बराबरको सेयर कारोबार भएको थियो ।

सो दिन कारोबारमा आएका १३ उपसमूहमध्ये होटेल तथा पर्यटन, लगानी, लघुवित्त, सामूहिक लगानी कोष र अन्यको परिसूचक घटे । बाँकी उपसमूहको परिसूचक बढेपछि समग्र नेप्से पौने ७ अंकले बढेको हो ।

सम्बन्धित खबर

दोहोरो अंकले बढ्यो नेप्से

बिहिबार ६.०३ अंकले बढ्यो नेप्से परिसूचक

फागुन २७ देखि आइपिओ जारी गर्दै टक्सार पिखुवा खोला हाइड्रोपावर

आइतबार २७.५९ अंकले घट्यो नेप्से परिसूचक

दोहोरो अंकले घट्यो नेप्से

सोमबार २६.०५ अंकले घट्यो नेप्से परिसूचक