९ मंसिर २०८१, आईतवार
२०७५ फाल्गुन २ गते, बिहीबार १५:१७ मा प्रकाशित
माछापुच्छ्रे बैंकले चितवन, तनहुँ, लमजुङ, बागलुङ र काठमाडौसहित पाँच ठाँउबाट शाखा रहित बैकिङ सेवा संचालनमा ल्याएको छ ।
बैंकले चितवनको इच्छाकामना गाउँपालिका स्थित फिस्लिङ, तनहुँको म्याग्दी गाउँपालिका स्थित तार्पु, लमजुङको मध्य नेपाल नगरपालिका स्थित दुइपिप्ले, बागलुङको काठेखोला गाउँपालिका स्थित रेशामा र काठमाडौंको कीर्तिपुर नगरपालिका स्थित भत्केपाटी पिपलबोटमा शाखा रहित बैकिङ सेवा सञ्चालनमा ल्याएको जनाएको छ ।
बैकिङ पहुँचदेखि टाढा रहेका ग्रामीण भेगमा बैंकले ग्राहक सेवा केन्द्रहरु मार्फत अत्याधुनिक बैकिङ सेवा पु¥याइरहेको जनाएको छ । योसहित बैंकको शाखा संख्या ६१ पुगेको छ । ग्राहक सेवा केन्द्रको रुपमा संचालित शाखा रहित सेवा केन्द्रबाट खाता खोल्ने, रकम जम्मा गर्ने र झिक्ने, रेमिटेन्स भुक्तानी, साथै कर्जा आवेदन गर्ने समेत व्यवस्था गरेको छ । बैंकले नेपालमै पहिलो पटक तुरुन्त (रियल टाइममा) खाता खोल्ने व्यवस्था गरेको छ भने चिपमा आधारित डेबिट कार्ड पनि तुरुन्त उपलब्ध गराएको छ ।
बैंकले अहिले ९३ वटा शाखा तथा ६१ शाखा रहित बैकिङ सेवासहित १५४ स्थानबाट बैकिङ सुविधा दिएको जनाएको छ । बैंकको देशभर ११४ वटा एटीएमहरु सञ्चालनमा रहेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
