१२ मंसिर २०८१, बुधबार
२०७५ फाल्गुन १५ गते, बुधबार १०:३३ मा प्रकाशित
डडेल्धुरामा आगलागी हुँदा बहिनीको मृत्यु भएको छ भने दिदी गम्भीर घाइते भएकी छन् ।
मंगलबार राति करिब ८ बजे आलिताल गाउँपालिका – ८ को घुम्ती बजारमा रहेको उत्तम थापाको किराना पसलबाट आगलागी हुँदा थापाकी ८ वर्षीया छोरी आरती थापाको मृत्यु भएको प्रहरीले जनाएको छ ।
आगलागीबाट उनकै जेठी छोरी ११ वर्षीया निरुता थापा गम्भीर घाइते भएको जिल्ला प्रहरी कार्यालय डडेल्धुराले जनाएको छ ।
गम्भीर घाइते निरुतालाई उपचारको लागि धनगढी लगिएको आलिताल गाउँपालिकाका अध्यक्ष बलबहादुर गुरुङले जानकारी दिए ।
उत्तम थापाको किराना पसलबाट लागेको आगोले सँगैका रामबहादुर धामी, दिलबहादुर रानाको घरमा आंशिक क्षति भएको जिल्ला प्रहरी कार्यालय डडेल्धुराका प्रहरी नायब उपरीक्षक डम्बरबहादुर केसीले जानकारी दिए ।
थापाकी २ छोरी आरती र निरुता थापा मैनबत्ती बालेर किताब पढीरहेको बेला मैनबत्ती ढलेर पसलमा आगलागी भएको थियो । आगो लागेर एक छोरी घाइते अवस्थामा आफैं घर बाहिर निस्किएपछि मात्रै परिवारले जानकारी पाएको प्रनाउ केसीले बताए ।
आगो स्थानीय र गाउँपालिकाको अग्रसरतामा नियन्त्रणमा लिइएको थियो ।
आगलागीबाट धनमालमा पुगेको क्षतिको यकिन विवरण आइसकेको छैन् । प्रहरीले यसबारे अध्ययन भइरहेको जनाएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
