१० मंसिर २०८१, सोमबार
२०७६ जेष्ठ १७ गते, शुक्रबार ११:४८ मा प्रकाशित
आजबाट काठमाडौं–रुम्जाटार–विराटनगर नियमित हवाई उडान हुने भएको छ ।
आज शुक्रबारदेखि हरेक साता काठमाडौंबाट ओखलढुङ्गाको रुम्जाटार हुँदै विराटनगरसम्मको हवाई सेवा सुरु हुने भएको हो ।
करीब तीन वर्षदेखि ठप्प रहेको रुम्जाटार विमानस्थललाई केन्द्र र प्रदेशको राजधानीसँग जोडेर पुनः उडान सुरु गर्ने तयारी भएको प्रदेश सांसद अम्बिरबाबु गुरुङले जानकारी दिए ।
यसअघि गत असोजमा तयारी गरिए पनि यात्रु अभावका कारण रुम्जाटारमा उडान सुरु हुन सकेको थिएन ।
नेपाल वायुसेवा निगमको विमानले हरेक शुक्रबार रुम्जाटारमा उडान भर्ने तयारी गरिरहेको निगमका क्षेत्रीय प्रबन्धक नारायण पुरीले बताए ।
अहिले सातामा एक दिन सेवा दिने र यात्रुको चापका आधारमा स्थानीय सरकार र प्रशासनसँग समन्वय गरेर थप अरु दिन पनि उडान भर्ने योजना रहेको उनले बताए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
