१४ मंसिर २०८१, शुक्रबार
२०७६ असार ५ गते, बिहीबार ०९:५७ मा प्रकाशित
जनकपुरधामको एक होटलमा आधा दर्जन भन्दा बढि सिलिन्डर विस्फोट हुँदा तीन होटेल जलेर पूर्ण रुपमा नष्ट भएका छन् ।
बिहीबार बिहान करिब ३ बजेतिर ग्याँस सिलिन्डर विस्फोट हुँदा जनकपुरधाम उपमहानगरपालिका वडा नम्बर २ कदम चोकमा रहेको गोविन्द मिष्ठान भण्डार, सियाराम मिष्टान्न भण्डार र अर्को एक होटलसमेत जलेर पूर्णरुपमा नष्ट भएको जिल्ला प्रहरी कार्यालय धनुषाले जनाएको छ ।
जनकपुर, महेन्द्रनगरबाट आएको दमकलको सहयोगले तीन घण्टापछि आगलागी नियन्त्रणमा लिइएको थियो ।
गोविन्द मिष्टान्न भण्डारमा बिजुली सर्ट भई आगलागी भएको प्रहरीको प्रारम्भिक अनुमान छ । समयमै घटनामा प्रहरी पुगेकोले मानवीय क्षति हुनबाट जोगिएको प्रहरीले बताएको छ ।
तीन होटल जल्दा ३२ लाखको क्षति भएको प्रहरीको अनुमान छ । यस विषयमा थप अनुसन्धान भइरहेको प्रहरीले जनाएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
