१३ मंसिर २०८१, बिहीबार
२०७६ चैत्र २६ गते, बुधबार ०९:०२ मा प्रकाशित
काठमाडाैंको मुख्य थोक बजार कालीमाटीमा केही दिन फलफूल तथा तरकारीकाे कारोबार नहुने भएको छ ।
कालीमाटी बजारमा तरकारी र फलफूल किन्न जानेको भिड लाग्ने गरेपछि काठमाडाैंका विभिन्न ११ ठाउँबाट तरकारी तथा फलफूल बेच्ने निर्णय गरिएको कालीमाटी फलफूल तथा तरकारी बजार विकास समितिका कार्यकारी निर्देशक तेजेन्द्रप्रसाद पौडेलले जानकारी दिए ।
उनका अनुसार अब केही समय कालीमाटीमा तरकारी तथा फलफूलकाे भण्डरण मात्र गरिनेछ ।
कोरोना भाइरसको सङ्क्रमण रोकथाम तथा नियन्त्रणको लागि बजारबाट कारोबार नगर्ने निर्णय गरिएको उनले बताए ।
लकडाउनका कारण बिहान २ बजेदेखि ६ बजेसम्म बजार खुल्ने गरेकाेमा भिड बढेपछि काठमाडाैंका विभिन्न ११ वटा ठाउँमा तरकारी बिक्रीकाे व्यवस्था गरिएको काठमाडाैं महानगरपालिकाले जनाएको छ ।
महानगरपालिकाले कलङ्की चोक, बाफल चोक, स्वयम्भू चोक, वनस्थली चोक, गोङ्गबु चोक र बसुन्धरा चोकमा तरकारी पसल खोल्ने निर्णय गरेको छ । गोपीकृष्ण हल चोक, तीनकुने चोक, लैनचौर, रत्नपार्क र कोटेश्वर चोकमा तरकारी पसल खोलिने समितिले जनाएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
