क्यान्सर हुन सक्ने पाउडर बिक्री गरेको आरोपमा जोन्सन एन्ड जोन्सनलाई २ अर्ब १० करोड डलर जरिवना

होमल्याण्ड खबर

२०७७ असार १२ गते, शुक्रबार ०८:५२ मा प्रकाशित

मानव शरीरलाई घातक मानिएको टेल्कम पाउडर बिक्री गरेको आरोपमा औषधि उत्पादक जोन्सन एन्ड जोन्सन कम्पनीविरुद्ध २ अर्ब १० करोड डलर जरिवना तिर्न आदेश दिएको छ । संयुक्त राज्य अमेरिकाको एक अदालतले उक्त कम्पनीलाई जरिवाना स्वरुप सो रकम तिराउन लागेको हो ।

अदालतले गरेको हाल जरिवाना तिर्न दिएको आदेश प्रारम्भिक चरणको भन्दा   आधाले कम हो । कम्पनीलाई लगाइएको प्रारम्भिक मुद्दामा जरिवाना ४ अर्ब ४० करोड डलर मागदाबी गरिएको थियो । अदालतको आदेशमा भनिएको छ ‘मानव  स्वास्थ्यसँग पैसा वा जरिवनालाई दाँज्न नसकिने भनिएको छ ।’ यसअघि सन् २०१९ मा पनि क्यालिफोर्नियाको अदालतले एक बालिकालाई जोन्सनको टेल्कम पाउडरका कारण क्यान्सर भएको भन्दै दशौं लाख अमेरिकी डलर जरिवना गरेकोे थियो ।

अदालतको आदेशमा जोन्सनले जानीजानी मानव शरिरमा क्षति पुर्याउने क्यान्सर रोग हुन सक्ने तत्व अस्वेस्टोस मिश्रित टेल्कम पाउडर  बिक्री गरेको उल्लेख छ । अदालतको आदेशमा टेल्कम पाउडरको प्रयोगबाट शरीरमा क्यान्सर लागेको भन्दै जोन्सन विरुद्ध मुद्दा दायर गरिएको थियो ।

गत महिना जोन्सनले अमेरिका र क्यानडामा टाल्क मिश्रित बच्चाका लागि पाउडर उत्पादन नगरिने घोषणा गरेको थियो । तर कम्पनीले विश्वका अरु देशमा भने यसको बिक्री यथावत राख्ने जनाएको छ । तर जोन्सन एन्ड जोन्सनकी एक प्रवक्ताले मिजौरी अदालतको आदेश विरुद्ध मिजौरीको सर्वोच्च अदालतमा मुद्दा दायर गरिने बताएकी छन् ।  (एजेन्सीको सहयोगमा)

सम्बन्धित खबर

सुनको मूल्य तोलामा ३ सयले घट्यो

२ हजार ६ सय रुपैयाँले घट्यो सुनको मूल्य

भन्सार दर घटेपछि तोलामै १५ हजार ९ सय घट्यो सुन

सेयर बजार २६६७ अंकमा झर्‍यो, घट्यो कारोबार

सुनको भाउ बढ्यो, तोलाको कति ?

सुनको मुल्य प्रतितोलामा एक लाख ६५ हजार ५०० पुग्यो