१३ मंसिर २०८१, बिहीबार
२०७७ असार १७ गते, बुधबार १२:३० मा प्रकाशित
नेपाल आयल निगमले पेट्रोल, डिजेल र मट्टितेलको मूल्य बढाएको छ । निगमले मंगलबार रातिदेखि लागू हुने गरी पेट्रोलको मूल्य लिटरमा पाँच रुपैयाँले बढाएको हाे ।
डिजेल र मट्टितेलको मूल्य भने दुई रुपैयाँले बढाएको छ । नयाँ मूल्य अनुसार उपभोक्ताले पेट्रोल प्रति लिटर १ सय १ रुपैयाँ र डिजेल तथा मट्टितेलको ८७ रुपैयाँ तिर्नुपर्नेछ ।
निगमका प्रवक्ता विनितमणि उपाध्यायले अन्तर्राष्ट्रिय बजारमा कच्चा तेलको मूल्य बढेको आधारमा पेट्रोलियम पदार्थको मूल्य बढाएको बताउनुभएको छ । इन्डियन आयल कर्पोरेशन आइओसीले जुन १६ मा पठाएको मूल्य अनुसार निगमले मूल्य बढाएको जनाएको छ ।
जुलाईमा फेरी नयाँ मूल्य आउँछ । अब केही दिनमा आउने मूल्य हेरेर फेरी पेट्रोलियम पदार्थको मूल्य घटबढ हुने बताइएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
