१३ मंसिर २०८१, बिहीबार
२०७७ भाद्र ३ गते, बुधबार १४:४६ मा प्रकाशित
काठमाडौ । काठमाडौं उपत्यकामा आज मध्यरातिदेखि निषेधाज्ञा जारी गरिएपनि शेयर बजार भने बन्द नहुने भएको छ । आज अर्थमन्त्रालयमा भएको छलफलपछि नेपाल धितोपत्र बोर्ड शेयर बजार खोल्ने निर्णयमा पुगेको हो । नेपाल धितोपत्र बोर्डका अध्यक्ष भीष्मराज ढुंगानाले निषेधाज्ञामा पनि बजार नियमित रूपमा खोलिने जानकारी दिए ।
‘यसअघि ठूलो अवरोध नआएसम्म बजार बन्द नहुने निर्णय गरिएको थियो, त्यसैलाई निरन्तरता दिइएको ढुंगानाको भनाई छ । शेयरबजारका लगानीकर्ता समेत बजार बन्द गर्न नहुने पक्षमा उभिएका छन् । गत चैत ११ गतेदेखि करिव ४ महिना लकडाउन हुँदा नेप्से ९८ दिन बन्द भएको थियो ।
काठमाडौं, ललितपुर र भक्तपुर तीन जिल्लाका जिल्ला प्रमुख अधिकारीहरूको बैठकले आज राति १२ बजेदेखि एक साताका लागि निषेघाज्ञा जारी निर्णय गरेपनि शेयर बजार कारोबारले निरन्तरता पाउने भएको हो । मंगलबार विश्व्यापी महामारीको रुप लिएको कोभिड १९ को संक्रमण काठमाडौं उपत्यका भित्र बढिरहेको भन्दै तीन जिल्लामा निषेधाज्ञा जारी गर्ने निर्णय गरिएको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
