१३ मंसिर २०८१, बिहीबार
२०७७ मंसिर ३ गते, बुधबार १२:१८ मा प्रकाशित
मंसिर महिना लागेसँगै विवाहकाे सिजन सुरु भएकाे छ । विवाहकाे सिजनमा सामान्यतः सुनकाे मूल्यमा वृद्धि हुने गर्छ । झन् यस वर्ष त मंसिरपछि विवाहका लगन नै छैनन् । त्यसकारण पनि याे मंसिरमा बढी विवाह हुने आँकलन गरिएकाे छ ।
तर यस वर्ष भने काेराेना महामारीका कारण एकाएक बढेर लाख नाघेकाे सुनकाे मूल्य ओरालाे लाग्ने क्रममा छ । मंसिरकाे पहिलाे काराेबार दिन भने सुनको भाउमा सामान्य गिरावट आएकाे छ ।
नेपाल सुनचाँदी व्यवसायी महासंघले बुधबारका लागि छापावाल सुनकाे मूल्य तोलाको ९५ हजार १ सय रुपैयाँ ताेकेकाे छ । तिहारअघि कात्तिक २८ गते छापावाल सुन ९५ हजार २ सय रुपैयाँमा काराेबार भएकाे थियो ।
यस्तै तेजाबी सुनको मूल्य पनि ९४ हजार ६ सय कायम भएको छ ।
यता चाँदीको मूल्य भने तोलामा १० रुपैयाँले बढेको छ । गत कात्तिक २८ गते तोलाको १२ सय २० रुपैयाँमा कारोबार भएको चाँदीको आज बुधबार तोलाको १२ सय ३० मूल्य कायम गरिएको महासंघले जनाएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
