१२ मंसिर २०८१, बुधबार
२०७८ कार्तिक २८ गते, आईतवार १३:५३ मा प्रकाशित
नेपाल सुनचाँदी महासंघले सुनको कोटा बढाउन आग्रह गरेको छ । अहिले बजारमा दैनिक ३० किलो सुनको माग रहेको छ ।
हालको आपूर्ति व्यवस्थाले बजारको माग धान्न नसकेको भन्दै आपूर्ति बढाउन नेपाल राष्ट्र बैंकसँग आग्रह गरेको महासंघका अध्यक्ष मणिरत्न शाक्यले जानकारी दिए ।
हाल वाणिज्य बैंकमार्फत सुनको आपूर्ति हुँदै आएको छ । त्यसलाई व्यवस्थित र प्रभावकारी बनाउन ‘गोल्ड बैंक’मार्फत आपूर्ति व्यवस्था मिलाउन महासंघले आग्रह गरेको छ ।
यस्तै, सुनको वितरण काठमाडौँ केन्द्रीत भएको भन्दै विकेन्द्रित गरी तोकिएका नाकाबाट कच्चा सुन पाउने व्यवस्था मिलाउनु पर्नेमा अध्यक्ष शाक्यले जोड दिए ।
हाल राष्ट्र बैंकले सुनको दैनिक कोटा २० किलो रहने व्यवस्था गरेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
