११ मंसिर २०८१, मंगलवार
२०७९ असार ९ गते, बिहीबार १६:४६ मा प्रकाशित
नेकपा (एकीकृत समाजवादी)की सांसद समीना हुसेनले पेट्रोलियम पद्धार्थको मूल्य घटाउन सरकारको ध्यानाकर्षण गराएकी छन् । बिहीबारको प्रतिनिधि सभा बैठकमा बोल्दै सांसद हुसेनले पेट्रोलियम पद्धार्थको मूल्यबृद्धिका कारण श्रमिक र निम्न आय भएकाहरुले चुल्हो बाल्न नसक्ने अवस्था भएको बताइन् ।
उनले यस्तो स्थितिलाई ध्यान दिदैँ पेट्रोलियम पद्धार्थको मूल्य छिटोभन्दा छिटो घटाउन सरकारको ध्यानाकर्षण गराइन् । यसका साथै नेकपा (एकीकृत समाजवादी)की अर्की सांसद लक्ष्मीकुमारी चौधरीले पेट्रोलियम पद्धार्थको मूल्यबृद्धिको गर्ने सरकारको निर्णय फिर्ता हुनुपर्ने बताइन् ।
उनले नागरिकता विधेयक र संघीय निजामती ऐन छिटो ल्याउन सरकारको ध्यानाकर्षण गराइन् । नेकपा(एमाले)का सांसद लालप्रसाद साँवा लिम्बूले विद्यालयहरुमा आजसम्म पाठ्यपुस्तक पुग्न नसकेको बताए ।
उनले प्रथम त्रैमासिक परिक्षा आइसक्दा पनि पाठ्यपुस्तक नपाइएको बताए । उनले लाखौं विद्यार्थीहरुको भविष्य अन्यौलमा नपार्न सरकारलाई आग्रह गरे ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
