१० मंसिर २०८१, सोमबार
२०७९ भाद्र १९ गते, आईतवार १६:०८ मा प्रकाशित
साताको पहिलो कारोबार दिन आज (आइतबार) सेयर बजार दोहोरो अंकले बढेको छ। नेपाल स्टक एक्सचेञ्जका अनुसार आज (आइतबार) सेयर कारोबार मापक नेप्से परिसूचक ६.६८ अंकले बढेर १९७७.३० विन्दुमा पुगेको छ । नेप्से ०.३४ प्रतिशतले बढेको हो । यता सेन्सेटिभ परिसूचक पनि ०.५७ अंकले बढेर ३८३.७७ विन्दुमा पुगेको छ ।
कूल २२७ वटा कम्पनीको २८ लाख ७६ हजार २ सय ८८ कित्ता सेयर खरिदबिक्री हुँदा एक अर्ब ७ करोड १६ लाख १५ हजार ९ सय २२ रूपैयाँ बराबरको कारोबार भएको नेप्सेले जनाएको छ । स्टकका अनुसार कारोबार भएका कूल १३ उपसमूहमध्ये आज ९ वटा उपसमूहको सेयर बढेको छ । बाँकी ४ वटा उपसमूहको सेयर भने घटेको छ ।
आइतबार रिडी हाइड्रोपावर डेभलपमेन्ट कम्पनी लिमिटेडको सर्वाधिक कारोबार भएको छ । कम्पनीको ८ करोड ९१ लाख रूपैयाँ बराबरको कारोबार भएको हो । आज रूरू जलविद्युत परियोजना कम्पनी लिमिटेडको सेयरमूल्यमा सकारात्मक सर्किट लागेको छ । कम्पनीको सेयरमूल्य १० प्रतिशतले बढेर ९ सय ८४ रूपैयाँ ५० पैसा पुगेको छ ।
यस दिन नयाँ सपोर्ट लघुवित्त वित्तीय संस्था लिमिटेडको सेयरमूल्य सबैभन्दा धेरै घटेको छ । संस्थाको सेयरमूल्य २.८६ प्रतिशतले घटेर एक हजार ३ सय ६० रूपैयाँमा झरेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
