१७ जेष्ठ २०८३, आईतवार
२०८३ जेष्ठ १७ गते, आईतवार १२:२१ मा प्रकाशित
माननीय अर्थमन्त्री डा.स्वर्णिम वाग्लेले आर्थिक वर्ष २०८३/८४ को बजेटका विषयमा सञ्चारकर्मीसँग अन्तरक्रिया गर्न पत्रकार सम्मेलन आयोजना गर्ने भएका छन् ।
सम्मेलनमा अर्थमन्त्री वाग्लेले संसद्मा प्रस्तुत गरेको आर्थिक वर्ष २०८३/८४ को बजेटका विभिन्न पक्षबारे जानकारी गराउनुका साथै सञ्चारकर्मीका जिज्ञासाको जवाफ दिने कार्यक्रम रहेको छ ।
उक्त कार्यक्रममा सहभागिताका लागि सबै सञ्चार माध्यम तथा सञ्चारकर्मीलाई आमन्त्रण गरिएको अर्थमन्त्रीका स्वकीय उपसचिव तथा जनसम्पर्क सल्लाहकार नवीन ढुंगानाले जानकारी दिएका छन् ।
सचिवालयले कार्यक्रममा सहभागी हुन गेट पास वा अन्य कुनै प्रकारको असुविधा भए सम्पर्क गर्न पनि अनुरोध गरेको छ ।
सरकारले हालै सार्वजनिक गरेको आगामी आर्थिक वर्षको बजेटमाथि विभिन्न क्षेत्रबाट प्रतिक्रिया आइरहेका बेला अर्थमन्त्रीले पत्रकार सम्मेलनमार्फत बजेटका प्राथमिकता, कार्यान्वयनको रणनीति तथा उठेका प्रश्नबारे धारणा राख्ने अपेक्षा गरिएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
