९ मंसिर २०८१, आईतवार
२०७५ माघ १७ गते, बिहीबार १२:५५ मा प्रकाशित
मेगा बैँक नेपालले चितवनको खैरहनीमा शाखारहित बैंकिङ सेवा संचालनमा ल्याएको छ । बैंकले खैरहनी नगरपालिका वडा नम्बर १२ को कुमरोजमा शाखारहित बैंकिङ सेवा सञ्चालनमा ल्याएको हो ।
खैरहनी नगरपालिका वडा नम्बर १२ का अध्यक्ष टिकाराम तिमिल्सिना र मेगा बैंक टाँडीका शाखा प्रबन्धक भीम पोखरेलले संयुक्त रुपमा सेवाको शुभारम्भ गरेका छन् । शुभारम्भ गर्ने क्रममा वडाध्यक्ष तिमिल्सिनाले खैरहनीका बासिन्दाहरुले मेगा बैकसँग वित्तीय कारोबार गरी आफ्नो आर्थिक अवस्था सुधार गर्ने अपेक्षा लिँदै शाखारहित सेवा सुरु गरेकोमा मेगा बैंकलाई आभार व्यक्त गरे ।
मेगा बैंकका शाखा प्रबन्धक पोखरेलले जनताको विश्वास जित्दै अघि बढ्ने मुख्य नारा लिएर मेगा बैंक अघि बढिरहेको बताउँदै ग्रामिण भेगका बासिन्दाहरुलाई वित्तीय सेवा प्रदान गर्दै वित्तीय समावेशिता प्रदान गर्न लागिपरेको बताए ।
शाखारहित सेवा सुरु भएपछि कुमरोज, खैरहनीका बासिन्दालाई वित्तीय कारोबार निकै सहज हुने बताइएको छ । अब घरदैलोबाटै मेगा बैंकमा बचत, ऋण तथा रेमिट्यान्स कारोबार गर्न बैंकको आग्रह छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
